ನೀಲಿಹೂವು💠

                 ಮೋಡವಿರದ ಬಾನಿನ ತಪ್ಪೇನು?ಹೂವು ಬಿಡದ ಗಿಡದ ಗತಿಯೇನು?ಹಾಡಲು ಬಾರದ ಕೋಗಿಲೆಯ ಕತೆಯೇನು?                    ಪ್ರಶ್ನೆ ಎಂಬುದು ಶರಧಿಯ ಅಲೆಗಳಂತೆ ಲೆಕ್ಕವಿಲ್ಲದಷ್ಟು ಅನಂತ.ಮನಸ್ಸಿನ ಗೋಡೆಗೆ ಬಂದು ಅಪ್ಪಳಿಸುತ್ತಲೇ ಇರುತ್ತದೆ.ಅಷ್ಟಕ್ಕೂ ಪ್ರಸ್ತುತ ಪ್ರಶ್ನೆ ಹಾಡಲು ಬಾರದ ಕೋಗಿಲೆಯೂ ಒಂದು ಕೋಗಿಲೆಯೇ?                 ಒಮ್ಮೆ ಈ ಕೋಗಿಲೆ ಕೂಡ ಒಡನಾಡಿಗಳಂತೆ ಹಾಡಲು ಪ್ರಯತ್ನಿಸಿತು, ಚೀರಿತು, ಕಣ್ ಪನಿಗಳ ಧಾರೆ ಹರಿಸಿತು,ಹಠ ಹಿಡಿಯಿತು,ವೃತ ಗೈದಿತು.. ಆದರೂ ಸ್ವರ ಬತ್ತಿಹೋದ ಕಂಠ ಅದರ ಪಾಲಿಗೆ ಬಂದಿತ್ತು.. ಅಷ್ಟಕ್ಕೂ ಕೋಗಿಲೆಯ ಕಾಯಕ ಕೇವಲ ಗಾಯನವೇ? ಜಗತ್ತು  ಅದರ ವಿಭಜಿತ ವ್ಯಕ್ತಿತ್ವ ವನ್ನು ನೋಡಲು ತಿರಸ್ಕರಿಸಿದಂತಿದೆ! ಏಕಾಂತವನ್ನರಸಿ ಕೊಂಬೆಯ ತುದಿಗೆ ಕುಳಿತ ಕೋಗಿಲೆ ಕಾಣದ ಕಿವಿಗಳಿಗೆ ಇಂಪಿನ ತಂಪೆರೆಚಬೇಕೆ?ಅನುದಿನ ಹಾಡುವ ಬೇರೆ ಕೋಗಿಲೆಗಳ ಜೀವನದ ಒಳಅರ್ಥ ಅವು ಹಾಡುವ ಹಾಡಲ್ಲಿ ಅಡಗಿದೆಯೇ? ಸತ್ಯಕ್ಕೂ ಭೂತಗನ್ನಡಿ ಬೇಕೇ? ಕೋಗಿಲೆಗೆ ಗಾಯಕ/ಗಾಯಕಿ ಎಂಬ ಗುರುತಿನ ಹಣೆಪಟ್ಟಿ ಬೇಕೇ? ಪಟ್ಟ್ಟಿ ಕಳಚಿದ ಕೋಗಿಲೆ ನಿಜವಾಗಿಯೂ ಮುಕ್ತಾಕಾಶದಲ್ಲಿ ಬಹುಎತ್ತರಕ್ಕೆ ಹಾರುವ ಸ್ವತಂತ್ರಪಕ್ಷಿ!ಬಂಧನಗಳೆಲ್ಲವ ಕಿತ್ತೊಗೆದು ಮುಗಿಲೆತ...

ಬರಿದಾದ ಬಂಜರು ಬಯಲು ಬಸಿರಾಗ ಬಯಸಿತಂತೆ, ಕಹಿಯಾದ ಕನಸುಗಳ ದಿಬ್ಬಣ ಮೆರವಣಿಗೆ ಹೊರಟಿರಲು! ಮಸಿತುಂಬಿದ ಮನಸಿಗೆ ಹಗುರಾಗಿ ಹಾರುವ ಆಸೆಯಂತೆ, ಕಾರ್ಮೊಡದ ಕಾಳರಾತ್ರಿ ಕಣ್ಣಮುಂದೆ ಗೂಡು ಕಟ್ಟಿರಲು! ಎಲ್ಲ ಮರೆತ ಕಲ್ಲು ಮನಸ್ಸು ತಪ್ಪಿ ಒಮ್ಮೆ ತಲ್ಲಣಿಸಿತಂತೆ, ಹೃದಯ ಮಿಡಿಯುವದ ಮರೆತಿರಲು! ಹುಣ್ಣಿಮೆ ಕಾಣದಿರುವ ಊರೊಂದು ಬೆಳದಿಂಗಳಿಗೆ ಹವಣಿಸಿತಂತೆ, ಸಮಸ್ತ ತಾರಾಗಣವೇ ಅಲ್ಲಿಯ ದಾರಿ ಮರೆತಿರಲು! ಒಂಟಿ ಮನಸ್ಸಿಗೂ ಮನಸ್ಸ ಬೆಸೆಯುವ ಯೋಚನೆಯಂತೆ, ಆಡದ ಮಾತೆಲ್ಲವೂ ಎಂದೋ ಮುಗಿದಿರಲು! ನಗಲು ಬಾರದವನಿಗೆ ದುಃಖ ಮುಗಿಯುವ ಹಂಬಲವಂತೆ, ಖುಷಿಯೆಲ್ಲ ಕಾಣದ ದಾರಿಯಲ್ಲಿ ಕಾದಿರಲು! ಕವಿಗೂ ತನ್ನೊಳಗಿನ ಭಗ್ನ ಪ್ರೇಮಿಯ ಹುಡುಕಾಟ ವಂತೆ, ಪ್ರೀತಿಸುವ ಕಲೆಯೇ ಬಾರದಿರಲು!

         ಅಂತ್ಯ ಎಂಬುದರ ಲಕ್ಷಣ ಕಾಣದ ಜಡಿಮಳೆಯಲ್ಲಿ ತೋಯ್ದ ಎರಡು ಮಾನುಷ ಆಕೃತಿಗಳು.ಪ್ರಕೃತಿಯ ಸೃಷ್ಟಿಕ್ರಿಯೆಯ ರೂವಾರಿಗಳಾದ ಗಂಡು ಹಾಗೂ ಹೆಣ್ಣು ಜಾತಿಯ ಎರಡು ಸದಸ್ಯರು! ಒಬ್ಬರು ಎರಡು ಹೆಜ್ಜೆ ಮುಂದೆಯಾದರೆ,ಇನ್ನೊಬ್ಬರು ಅಸಹಮತಿಯ ಸೂಚಕವೆಂಬಂತೆ ಇನ್ನೆರಡು ಹೆಜ್ಜೆ ಹಿಂದೆ ಹೋಗಿ ನಿಂತಿದ್ದರು.ಮಾತಿನ ಘರ್ಷಣೆಗಿಂತಲೂ ತುಸು ತೀಕ್ಷ್ಣವಾದ ಮೌನ ತುಂಬಿದ ದೃಷ್ಟಿಯುದ್ಧ ಅಲ್ಲಿ ಉಪಸ್ಥಿತರ ಕಂಗಳಿಗೆ ರಾಚುವಂತಿತ್ತು. ಅರಾಜಕತೆ,ಮನಸ್ತಾಪದ ಛಾಯೆ ಆವರಿಸಿತ್ತು. ಆದರೆ ಅವರೀರ್ವರ  ಮನದಾಳವ ಇಣುಕಿ ನೋಡಿದವರಾರು?  ಶುಭ್ರ ಬಿಳಿಯ ಸೀರೆಗೆ ದೃಷ್ಟಿ ಎಂಬಂತೆ ಕಡುಗಪ್ಪು ಅಂಚನ್ನು ಹೊಂದಿದ್ದ ಮುದುಡಿದ ಒದ್ದೆ ಸೀರೆ, ಕಣ್ಣಿಗೆ ಒಂದುಕಾಲದಲ್ಲಿ ಗಡಿಯನ್ನು ಬಿಡಿಸಿದ್ದ ಹರಡಿದ ಕಾರಡಿಗೆ, ಹಣೆ ತುಂಬಿದ ವರ್ಷಧಾರೆಯಲ್ಲಿ ಮಿಂದೆದ್ದ ಒದ್ದೆ ಮುಂಗುರುಳು! ಇವೆಲ್ಲವ ಕೂಡಿ ಆಕೆ ಬಿರುಸು ಹೆಜ್ಜೆಗಳನ್ನು ಇಟ್ಟು,ಎಲ್ಲವ ಧಿಕ್ಕರಿಸುವ ನಡುಗೆಯೊಂದಿಗೆ  ಹೊರಟು ಹೋದಳು!                ಆ ನತದೃಷ್ಟ ಊರಿನ ಮಳೆಗಾದರೋ ಆಯುಷ್ಯವಿಲ್ಲ! ಮುನಿಸುಕೊಂಡ ಆಕೆ ಈ ಜಗದಲ್ಲಿ, ಮುನಿಸುಕೊಂಡ ಮಳೆ ಇನ್ನೊಂದು ಜಗದಲ್ಲಿ ! ಇಬ್ಬರೂ ಮನಸ್ಸು ಮುರಿದು ಕೊಂಡಿದ್ದು ಜಗತ್ತಿನ ಮೇಲೆ ! ಬಹುಶಃ ಯಾವುದೋ ನಿಗೂಢ ಕಾರಣಕ್ಕಾಗಿ ! ಇದೊಂದು ಬಗೆಹರಿಯದ ವಿವಾದ! ಏತನ್ಮಧ್ಯೆ ಶ್ವ...