ನೀಲಿಹೂವು💠

1. ಮೋಹದ ಬೀಜವ ಬಿತ್ತಿ ಪ್ರೀತಿ ನಿರಾಕಾರವಾಗಿ ಹುಟ್ಟಿದರೆ,ವ್ಯಾಮೋಹದ ನೀರೆರೆಯಲೇ ಬೇಕು! ಶರವೇಗದಲ್ಲಿ ಬೆಳೆದರೂ ಬೆಳೆಸಬೇಕು! ಬೇಸಿಗೆಯ ವರ್ಷದಂತೆ ಬಹುಬೇಗ ಸತ್ತರೂ ಸಾಯಿ ಸಬೇಕು! 2.ಉಸಿರೆಂಬ ಹಾರಿಹೋಗುವ ಪತಂಗವ ಹಿಡಿದಿಟ್ಟು ಕೊಳ್ಳಲು,ಸಿಗದ ಪ್ರೀತಿಯೆಂಬ ಬಾಡಿಗೆಯ ತೆತ್ತು ತಿರುವೆ! ಋಣವೊಂದು ಮನೆಯಂಗಳದ ಶಾಶ್ವತ  ಅತಿಥಿಯಾಗಿ ಹಾಸು ಹೊಕ್ಕಾದ ಆಸೆಯ ಉನ್ಮಾದವೊಂದರ ಕೊರಳ ಬಿಗಿಯುತ್ತಿರುವಾಗ, ಲವಲವಿಕೆಯಿಂದು ಅಪರಚಿತವಾಗಿ ಮರೀಚಿಕೆಯಾಗಿದೆ! 3. ಕಡುಸ್ವಾರ್ಥಿ ನಾನು! ಏಕಾಂತವೆಲ್ಲ ನನ್ನದಿರಲೆಂದು ಬರಿದಾದ ಇರುಳಲಿ ಸಿಗದಿರೋ ಶಶಿಯ ಬೆನ್ನಟ್ಟಿ ಹೊರಟೆ! ಆದರೇಕೋ ಎಂದೂ ಕಾಣದ ಪ್ರಭೆಯ ದ್ವೇಷಿ ಸುತ್ತಿರುವೆ! ಏಕೆ ಹೀಗೆಂದು ಉತ್ತರ ಸಿಗದಿದ್ದರೂ ಮೌನ ಪ್ರಶ್ನೆಯೊಂದಕ್ಕೆ ಪೀಠಿಕೆ ಹಾಕಿರುವೆ!

 1. ತೆರೆಮರೆಗೆ ಸರಿಯಲೆಂದೆ ಚಿಗುರೊಡೆದ ನಿನ್ನ ಪ್ರೇಮ ಕಾವ್ಯಕ್ಕೆ ಇಂದೇಕೋ ಉದಾಸೀನವಂತೆ! ನಿನಗೆಂದೆ ಹಾಕಿದ್ದ ಪೀಠಿಕೆಯು ದಾರಿ ತಪ್ಪಿ ಅಂತ್ಯದಲ್ಲಿ ಬೇರೊಬ್ಬರ ಬಾಗಿಲಿಗೆ ಬಂದು ನಿಂತಿಹುದಂತೆ! ಕಥೆಯೇ ನಶಿಸಿ ಕಾವ್ಯವೊಂದು ಕನ್ನಡಿಯಲ್ಲಿ ಕುರುಹುವೊಂದರ ಹುಡುಕಿ ಕೈಚೆಲ್ಲಿತಂತೆ! 2. ಆಸೆ ಪಟ್ಟಿದ್ದೇನೋ, ದಕ್ಕಿದ್ದೇನೋ! ಆದರಿಂದು ದಹಿಸುವಿಕೆಯ ಅಪಸ್ವರವೊಂದು ಹೃದಯದ ತಂತಿಯಿಂದ ಜೋರಾಗಿ ಮಿಡಿದಂತಿದೆ! 3.ಕಾಣದ ಕೈ ಗಳೆರಡು ಎಳೆದಾಗಿವೆ ಅಲೆಮಾರಿ ಚಿಂತನೆಗಳಿಗೊಂದು ಎಲ್ಲೆಯ ! ಆಸೆಗಳಿನ್ನೂ ತನ್ನ ನಕ್ಷೆಯ ಗೊತ್ತು ಮಾಡುವಿಕೆಯಲ್ಲಿ ಎಡುವುತ್ತಿದ್ದರೆ , ಕಲ್ಪನೆಗಳು ಸೀಮೋಲ್ಲಂಘನದ ಕುರುಡು ಕನಸು ಕಂಡು ಬೇಸರಿಸುತ್ತಿವೆ! ಇವನ್ನೆಲ್ಲ ಬಲ್ಲ ಅದೇ ಕಾಣದ ಕೈಗಳು ಮೌನಕ್ಕೆ ಶರಣಾಗಿವೆ!

1. ಸ್ವಪ್ನವೊಂದರ ಸಜ್ಜುಮಾಡಿರುವೆ ಜಗತ್ತೊಪ್ಪದ ಕಥೆಗೆ ವಿತಂಡವಾದವೊಂದರ ಪ್ರಸ್ತಾಪಿಸಿ ! ನಿನ್ನೀ ಮನವ ಭಾವನೆಗಳ ಆವೃರ್ತದಲ್ಲಿ ಮೆರೆಸಿ ಮರೆಸಬೇಕೆಂದಿರುವೆ! ಅಣಕವಿರಬಹುದು ಇದು ನೈಜತೆಗೆ, ಆದರೂ ಭಗ್ನ ಹಂಬಲಿಕೆಯ ಕಟ್ಟು ವಿಕೆಯು ಶಾಶ್ವತ ! 2. ಅರಿವಾಯಿತೆಂದೆನೆಗೆ ಪ್ರೀತಿಯ ಹುಗಿದು ಹಾಕುವಿಕೆಯು ಕೂಡ ಪ್ರೀತಿಸುವ ರೀತಿಯೆಂದು ! ಉಚಿತವೋ ಅನುಚಿತವೋ ಪರಿಹರಿಯದ ಗೋಜಲಿದು! ನಿನ್ನ ಮನದಾಳ ನನ್ನ ಧ್ವನಿಯಾಗಬೇಕೆಂಬ ಹುಂಬತನ ನಿನ್ನದು! ನಿನ್ನ ಸನಿಹವ ಬಯಸಿ ಆಸೆಗಳ ಅಲೆಗಳಲ್ಲಿ ಕೊಚ್ಚಿ ಹೋಗುವ ಅನಿವಾರ್ಯತೆ ನನ್ನದು! 3. ಅಂತರಂಗದ ಅಂಗಳದಲ್ಲಿ ಪಸರಿಸಿದ್ದ ಹೂಗಳ ಕಂಪನ್ನು ಆತನಿಗೆ ತಲುಪಿಸಿದ ಮೋಡಗಳಿಗೂ ಮೇಘ ಬಂಧನವಂತೆ! ಅಂತ್ಯದಲ್ಲಿ ಮೇಘಗಳ ಬೀಳ್ಕೊಟ್ಟು ಮಧ್ಯ ಮನಸ್ಥರಾಗಿ ನಿಂತಿದ್ದು ಆ ತಿಳಿಮುಗಿಲು ಹಾಗೂ ಈ ವಿರಹಿ ಮನ ಮಾತ್ರ!

1. ಒಂಚೂರು ಪಾಪಿ ನಾನಾಗಲೇ? ಇನ್ನೊಂಚೂರು ಪಾಪ ನಿನ್ನದಾಗಬಹುದೆ? ಪ್ರೀತಿಸಿದ ಪ್ರಮಾದಕ್ಕೆ ನಾಟಕದ ನರಕವೂ ಸಲ್ಲದೇ? 2.ಪಟ್ಟು ಹಿಡಿದ ಪ್ರೇಮವಿದು,ಪ್ರತಿಯಾಗಿ ಪಟ್ಟಿ ಯಾಗಿಸಿಕೊಂಡಿಹೆ ಒಡಕು ಹೃದಯಕ್ಕೆ! ನಿನ್ನನ್ನು ಓಲೈಸಲು ಮಾತೊಂದು ಬೇಕಾಗಿದೆ! ಆದರೆ ಪ್ರತಿಧ್ವನಿಸಲು ನೀನು ಕೈಗೆಟುಕನಾಗಿಹೆ! 3. ಭಾವನೆಗಳ ಸ್ಥೂಲನಕ್ಷೆಯೇಕೋ ಬದಲಾಯಿಸಿದೆ ವರಸೆಯ ಕಿಡಿಗೇಡಿ ವ್ಯವಸ್ಥೆಯೊಂದು ಕಳ್ಳ ಹೆಜ್ಜೆಯೊಂದ ಇಟ್ಟಾಗಿದೆ! ನಾಜೂಕಿನ ನೀರುಣಿಸಿ ಬೆಳೆಸಿದ ಹೂವೊಂದು ಇಂದೇ ಬಾಡಿದೆ! ಜೊತೆಗಾಗಿ ನಿರ್ಜೀವ ನಗುವೊಂದು ಕೈ ಬೀಸದೆ?

1. ನವವಧುವಿನಂತೆ ಷೋಡಶ ಶೃಂಗಾರಪೂರ್ಣವಾದದ್ದು ಮನಸ್ಸು ಕೇವಲ ಸಾಯಲೇಂದೆ? ದುಃಖವೆಂಬ ಗಾಯಕ್ಕೆ ಅಲಂಕಾರವೆಂಬ ಕಾರಣದ ಪಟ್ಟಿ ಕಟ್ಟಿ, ಸ್ವಂತದಲ್ಲದ ಬದುಕಿನಲ್ಲಿ ಅನಾಮಧೇಯ ಪಾತ್ರಗಳ ಅರಸಿ ಆರಿಸಿ ಆರಾಧಿಸಿ ಸಿಂಗರಿಸಿ ಅಂತ್ಯದಲ್ಲಿ ಸಾಯಲೂ ಸನ್ನದ್ಧ ವಾಯಿತು ಮನಸ್ಸು! 2. ಸುಳ್ಳುಗಳ ಸಮಜಾಯಿಷಿಯ ಸರಮಾಲೆಯೊಂದ ಸುರಿದು ಸುಂದರ ಸ್ವಪ್ನಗಳಿಗೆ ತೋರಣವನ್ನಾಗಿಸಲಾಗಿದೆ! ಆದರೋ, ಅದು ಇಂದು ಕೊರಳಬಿಗಿಹಿಡಿದು ಸತಾಯಿಸುತ್ತಿವೆ! ಅದನ್ನಿಂದು ಧರಿಸಲೆ? ಕಿತ್ತು ಒಗೆಯಲೆ ? ಆದರೂ ಸುಳ್ಳುಗಳು ನನ್ನದು! ಸುಳ್ಳುಗಳ ಮೇಲೆಯೂ ಒಡೆತನ ಸಾಧಿಸಿ ಆಗಿದೆ! ಹಕ್ಕೆಂಬ ಹಠವೊಂದು ಹಾದಿ ತೋರಿಸಿ ಸುಮ್ಮನೆ ಕುಳಿತಿದೆ! 3. ಕಾಯುವ ಖಾಹಿಲೆ ನನಗೆ, ಕಾಯಿಸುವ ಖಾಹಿಲೆ ನಿನಗೆ! ಒಲುಮೆಯ ಮದ್ದು ನೀಡಿ ಗುಣ ಪಡಿಸುವ ಖಯಾಲಿಯೊಂದು ಕಾಣೆಯಾಗಿದೆ! ಹುಡುಕುವ ತವಕರೋಗ ರೋಗಿಗೂ ಬತ್ತಿಹೋಗಿದೆ! ಜೀವವೊಂದು ಶಿಶಿರದ ಕೊನೆಯೆಲೆಯಂತೆ ಕಾದು ಸೋತಿದೆ! ಸಿಗದ ನಿನ್ನ ಪ್ರೀತಿಯ ಗುಟುಕು ಬೆತ್ತಲಾಗಿ ಬರದಾಗಿದೆ!

1. ನಯನಗಳೆದುರು ಸತ್ಯದ ಪ್ರಜ್ವಲಿಸುವ ತೋರಣವೊಂದು ಕಟ್ಟಿರುವಾಗ ದಹಿಸುತ್ತಿರುವ ಅಗಣಿತ ದೀಪ ಸಾಲುಗಳಲ್ಲಿ ಒಂದಾಗಲು ಒಪ್ಪದ ವಿದ್ರೋಹಿ ಮನಸ್ಸು! ಬೆಳಕಿಗೆಂದೇ ಅಂಜುವ ಮನಸ್ಥಿತಿ ನನ್ನದಾಗಿರುವಾಗ ಕತ್ತಲಲಿ ಕಳೆದ ಕರಡು ಪ್ರತಿಯ ನಿನ್ನ ಪ್ರೀತಿ ನನ್ನನ್ನು ಹಿಡಿದಿಟ್ಟಿವೆ! 2. ನಿನ್ನೊಲುಮೆಯ ಪ್ರಾಂತಗಳಲ್ಲಿ ಮಾರ್ದನಿಸ ಬೇಕಾದ ನನ್ನ ಹೆಸರನ್ನು ಎಂದೂ ಅಳಿಸದ ಅಕ್ಷರಗಳಲ್ಲಿ ಕೆತ್ತ ಬಯಸಿರುವ ಹುಚ್ಚು ತತ್ವ! ನೆರವೇರಿಕೆಯೋ ಸತಾಯಿಸುವಿಕೆಯೋ ನಾ ಕಾಣೆ! ಪದೆ ಪದೇ ಉದ್ಬ ವಿಸುತ್ತಿರುವ ಕವಲು ದಾರಿಯ ಕಾರ್ಮಿಕನಿಂದು ಗುಮಾನಿಯೊಂದ ಹೊತ್ತು ನಿಂತಿಹನು! ಎಂದಿಗಾದರೂ ನೀನಿರಿದ,ನೀನಿಲ್ಲವೆಂಬ ಹತಾಶೆಯ ಗವಸು ಕಳಚಿ ಬೀಳಬಹುದೇ ಎಂದು! 3.ನಿನ್ನ ಬಗೆಗಿನ ಸಹಸ್ರ ಕಲ್ಪನೆಗಳ ಗುಪ್ತ ಪ್ರೇಮ ಪತ್ರಗಳ ಗುಚ್ಛ ವನ್ನು ಎದೆಯ ಬೆಂಕಿಯಲ್ಲಿ ಸುಟ್ಟು ಹಾಕಾಗಿದೆ! ಆ ಬೆಳಕಲ್ಲಿ ನಿನ್ನ ಹೃದಯದ ಕದ ತಟ್ಟುವಿಕೆ, ಸಮರ್ಪಣೆ ಎಂಬ ಸುರಹೊನ್ನೆ ಯಂತೆ! ನಿರಂತರತೆಯು ನಾಚುವಂತೆ ಇನ್ನಷ್ಟು ಪ್ರೇರೆಪಿ ಸುವುದು! 4. ಎಂದೆಂದೂ ಮಾಸದ ಮನಸಿನ ಹೋರಾಟವೆಂದರೆ ಅದು ನಿನ್ನಿಂದ ಪ್ರೇಮದ ಸಂಭವಿಸುವಿಕೆಯ ತಿಳಿಯಬಯಸುವುದು! ಭಾಗಶಃ ಕ್ರೂರಿ ನೀನು! ಎಲ್ಲಿ ಒಲವಿನ ವ್ಯಕ್ತ ಪಡಿಸುವಿಕೆಯಿಂದ ನಿನ್ನ ನಿಶಾನೆಗಳನ್ನು ನನ್ನ ಮನದ ಪುಟಗಳಲ್ಲಿ ತಿರುವಿ ಹಾಕಲಾಗುವುದೇನೋ ಎಂಬ ಅಧೀರತೆ ನಿನ್ನದೆಂದು ನಾನು ಭಾವಿಸಿದರೆ ಅತಿರೇಕವಾಗುತ್ತದೆಯೇ? 5.ಮರಣ ಶಯೆಯಲ್ಲಿ ಮಲಗಿ ಮುಷ್ಟಿಯಲ್ಲಿ ಕೆ...

1. ಬದಲಿ ಎಳೆತವ  ಪಡೆಯುವ ಭೀಕರ ಬರದಲ್ಲಿ ಮೌನಿಯೇ ಸೇನಾನಿ! ಚೂರಿಯ ಮೊನೆಯಿಂದ ಎದೆಗಿರಿತಕ್ಕೊಳಗಾಗಿ ಚಿದ್ರವಾದ ಮನಸಾಕ್ಷಿ ಆಸರೆಯೆಂಬ ಚಿಕಿತ್ಸೆಯ ದಾರಿಕಾದು ಧೂಳಲ್ಲಿ ಧ್ವನಿಸಿದ್ದು ಒಂದೇ ದೂರು! ನೀನೆಂದು ನನ್ನವನಲ್ಲ!ನೀನೆಂದು ನನ್ನವನಾಗಿರಲಿಲ್ಲ! 2.ಆಕೆಯ ನೋಡಿಯೇ ಪ್ರೆಮಿಯೊಳಗಡಗಿಕುಳಿತಿದ್ದ ಕವಿಯ ನಾಟಕದ ನಿದ್ರೆಯು ನಾಚಿತೇ? ಆಕೆಯ ಸೌಂದರ್ಯವು ಪದಪುಂಜಗಳಿಗೂ ಅಪರಿ ಮಿತೆಯ ಆತಿಥ್ಯವ ನೀಡಿದವ? ಆಕೆಯ ಲಾವಣ್ಯ ಲತೆಯು ಗರಿ ಬಿಚ್ಚಿ ಕುಣಿಯಲು ಆತನ ಹೃದಯವು ರಂಗ ಸಜ್ಜಿಕೆಯಾಗಿತ್ತೇ? ಇಲ್ಲವಾದಲ್ಲಿ ಆತನ ಕವಿತ್ವವೇ ಆಕೆಯನ್ನು ತೇಜೋ ಗಣದಲ್ಲಿ ಎತ್ತು ಮೇರೆಸೀತೆ? 3. ವಿಧಿಯೆಂಬ ವೀರನ ವ್ಯಾಕುಲತೆಗೆ ತಡೆವಡ್ಡುವವ ರಾರು? ಒಲ್ಲೆ ಎಂದರೂ ಮನದ ಖೈದಿಯ ಅನಿರ್ದಿಷ್ಟತೆಯ ಸರಪಳಿಯಿಂದ ಬಂಧಿಸಿ ಕರೆತರುವ ಕಾಮನೆ ! ನಂಟೆಂಬ ನಂಜ ನೆತ್ತಿಗೇರಿಸಿಕೊಳ್ಳಬೇಕಾದ ನಟನೆ ! 4.ಸಾವಿರ ಚಾಕುಗಳ ಎದೆಗೆ ಇರಿದು ನಿನಗೆಂದೇ ಬಡಿಯುವ ಎದೆಬಡಿತವ ನಿರ್ದಾಕ್ಷಿಣ್ಯವಾಗಿ ನಿಲ್ಲಿಸುವ ತವಕ ನಿನಗೆ! ನೀನೇ ಹಪಹಪಿಸಿದ ಅನುರಾಗವ ವ್ಯಾಖ್ಯಾನಿಸುವ ನಿನ್ನ ನಡೆ ಕಠೋರ... ಅದನರಿಯ ಹೊರಟ ನನ್ನ ಹೋರಾಟವೇ ಒಂದು ಪ್ರಮಾದ ವೆಂದೆನಿಸಿದರೆ , ನನ್ನ ಸ್ಪಂದನೆಯೆಂಬುದು ನಡುಬೀದಿಯಲ್ಲಿ ರೋಧಿಸುವ ತಬ್ಬಲಿ ಕಂದನಂತೆ! ದಿಕ್ಕು ತೋಚದೇ ಕುಳಿತಿದೆ!

1. ನಿನ್ನಲ್ಲಿ ನನ್ನ ಕಾಣುವ  ಹಠಾತ್ ಮಹಾಹರಿವಿಗೆ ನನ್ನಲ್ಲಿದ್ದ ನಾನೆಂಬ ಭಾವವು ಕೊಚ್ಚಿ ಹೋಗಿದೆ! ಮುಂದೆಲ್ಲಾದರೂ ಅದು ಅಂಗೈ ಯಲ್ಲಿ ಹನಿ ಜೀವವ ಉಳಿಸಿಕೊಂಡು ಅರ್ಣವನ ಸೇರಬಲ್ಲದೆ? ಅಥವಾ ಅಸ್ವೀಕೃತ ಆತ್ಮವಾಗಬಹುದೆ? 2. ಖಾಲಿತನ ವೆಲ್ಲವೇಕೊ ಇಂದು ಖಾಲಿ ಖಾಲಿ ಅನಿಸುತ್ತಿದೆ!ಕಾಲು ಭಾಗ ಖಾಲಿತನದ ಕಲಿಕೆಯೂ ಕೈಯಲಿಲ್ಲವೆಂದು ಚಡಪಡಿಕೆಯೊಂದು ಚಿಗುರೊಡೆ ಯುತ್ತಿದೆ! ಖಾಲಿತನ ಕೊಟ್ಟ ಅನುಮಾನದ ಅನುರಾಗಗಳೆಲ್ಲ ಗಾಳಿಗೆ ಸಿಕ್ಕ ತರಗೆಲೆಯಂತೆ ಹಾರಿಹೋಗುತ್ತಿದೆ! ಅಸಹಿಷ್ಣುವಾದ ಮೊಂಡತನ ನನ್ನದಾಗುತ್ತಿದೆ! ಎಂದಿಗೆ ಹಿಂದಿರುಗಬಹುದು ಈ ಖಾಲಿತನ! 3. ನೇಸರನಿಗೂ ಬೇಸರ ಪಡಿಸುವಷ್ಟು ಪ್ರೀತಿ ಸೂಸಬೇಡ! ನನ್ನ ಒಡಲಿನ್ನು ಅಷ್ಟು ಬಲಿತಿಲ್ಲ! ಏನೇಂದು ಆರ್ಥೈಸಿಕೊಳಲಿ ಈ ಒಗಟ! ನನಗೆ ನಾನೇ ಎಳೆದುಕೊಂಡ ಬೆಂಕಿಯ ಚಪ್ಪರವೆ? ಅಥವಾ ನಿನ್ನ ಹುಚ್ಚು ಪ್ರೀತಿಯ ರೀತಿಯೇ? 4.ಎಂದೋ ಬೂದಿಯಾದ ಅಂತರಂಗದ ಅರಗಿಣಿಯ ಇಂದಿಗೂ ಹುಡುಕಿ ಮುದ್ದಾಡುವ ಆಸೆ!  ಹತ್ತಿರ ಬರಸೆಳೆದು ಕವನ ಹೇಳುವ ಆಸೆ ! 5. ಬಾಳಪುಟದಲ್ಲಿ ಅದೆಷ್ಟೋ ಗೀಚಿದ ಕವನಗಳೆಲ್ಲ ಅನಾಮಧೇಯವಾಗಿ ಹೇಳ ಹೆಸರಿಲ್ಲದೆ ಗತವ ಸೇರಿ ಕೊಂಡರೂ  ನೀ ಬರೆದ ಕವಿತೆಯ ಸಾಲೊಂದು ಅಚ್ಚಳಿಯದೆ ಹೃದಯವ ಹಚ್ಚ ಹಸಿರಾಗಿಸಿದೇ! 6. ಬೆಟ್ಟದಷ್ಟು ಆಸಕ್ತಿ ಕಾದು ಕುಳಿತಿದೆ! ಕೇಳಲು ಕೇಳುಗನಿರುವಾಗ ಹೇಳಲು ನೀನು ಬೇಕಷ್ಟೇ! 7. ಸತ್ಯ ದೊಲ್ಲೊಂದು ಸುಳ್ಳಡಗಿದೆ ಎಂಬಂತೆ  ಒಂದೇ ಒಂದು ಸಲ ಮನದ ಮಾತು ಕೇಳುವೆ...

       ಇರುಳಲ್ಲಿ ಇಲ್ಲಿ ಅಲ್ಲಿ ಹರಿದು ಚೆಲ್ಲಿ ಹೋಗಿದ್ದ ಮನದ ಭಾಗಗಳನ್ನು ಕಾಣುವ ಸಲುವಾಗಿ ಉಯ್ಯಾಲೆಯಲ್ಲಿ ಜೀಕುತ್ತಿದ್ದ ಅವಳಿಗೆ ಭಾವನೆ ಗಳ ಕಾಲ್ಪನಿಕ ಮೈಗವಸು ಆಕೆಯನ್ನು ಆವರಿಸಿ ಕಾಡಿಸಿ ಮೈಸವರಿ ಹೋಗಿ ಬಿಟ್ಟಿತಂತೆ!             ತತ್ ತಕ್ಷಣ ಬೆಚ್ಚಿದರೂ ಇದೇನು ಹೊಸತಲ್ಲ ಎಂದು ಸಾವರಿಸಿಕೊಂಡಳು ..... ಆಗ ದೃಷ್ಟಿ ಬಿದ್ದಿದ್ದೇ ಮತ್ಸರದ ಮಂದಹಾಸ ಬೀರುತ್ತಿದ್ದ ಚಂದ್ರಮನ ಮೇಲೆ ! ಆತನಿಗೂ, ತನ್ನ ಮನದ ಚಂದಿರನಾದ ಆತನಿಗೂ ವ್ಯತ್ಯಾಸವೇನಿಲ್ಲ ಎಂದು!             ಬಾನರ ಮನೆಯಲ್ಲಿ ಶಾಶ್ವತ ಸ್ಥಾನಿ ಆತ! ಬಲವಂತವಾಗಿ ಭುವಿಗೆ ಬಾರೆಂದರೂ ಒಲ್ಲದ ಮನಸಿನಿಂದ ಬರುವ ಆತ! ಆಗಸದಿಂದ ಕಿತ್ತು ತಂದರೂ ಆತ ಹೋಗಬಯಸುವುದು ಮತ್ತದೇ ವಿಶಾಲಾಗಾಸಕ್ಕೆ ! ಆದರೂ ಆತನ ಬೆಳದಿಂಗಳೇ ಮತ್ತೇರಿಸಿಬೇಕಾದರೆ ಆತನನ್ನು ಹಿಡಿದಿಟ್ಟುಕೊಳ್ಳುವ ಶಕ್ತಿ ನನ್ನ ಒಡಲಿಗಿನ್ನು ಬಂದಿಲ್ಲ!               ಹಾಗೆಯೇ ನನ್ನ ಮನದ ಚಂದಿರ ಕೂಡ! ಆದರೆ ಆತನ ಆಗಸವೆಂಬುದು ಇನ್ನೂ ನಿಗೂಢ! ಒಮ್ಮೊಮ್ಮೆ ಮನದಾಳದಲ್ಲಿ ಸುನಾಮಿಯುಂಟು ಮಾಡೋ ಪ್ರಶ್ನೆ "ನನ್ನ ಮನದ ಚಂದಿರನ ಬಲವಂತದಿಂದ ಬರ ಮಾಡಿದರೆ ತಂಪಾದ ಬೆಳದಿಂಗಳೂ ಕೂಡ ಕೃಷ ಮನವ ಆಪೋಷಣಕ್ಕೆ ತೆಗೆದುಕೊಳ್ಳಬಹುದೇ ಎಂದು"!           ...

          ಇದಕ್ಕೆ ಬಹುಶಃ ಭಿದುರ ಮನ ಕಾದಿದ್ದು! ಆತನಿಂದ ಕಿರು ಪರೀಕ್ಷಣೆಯ ಬಯಕೆ! ಆತನ ಮನದ ಗೋಡೆಯಲ್ಲಿ ಒಂದು ತೂಗುಪಟ ವಾಗುವ ಉತ್ಪ್ರೇಕ್ಷತೆ! ಏತನ್ಮಧ್ಯೆ  ಆತನಿಂದ ಒಂದು ಕೂಗು ಆಕೆಯಡೆಗೆ... ವ್ಹಾ...ಬಹುದಿನದ ಹುಡುಕಾಟದಲ್ಲಿದ್ದ ಸಂತಸವೊಂದು ಕಣ್ಣ ಮುಂದೆ ಪಾತ್ರ ಧರಿಸಿ ರಂಗ ವೇದಿಕೆಯ ಸಜ್ಜು ಮಾಡಿದಂತೆ!            ನೀನೆಂದರೆ ಚಡಪಡಿಸುವೆ! ಇನ್ನೂ ಕೆಲವೊಮ್ಮೆ ಪರಿತಪಿಸುವೆ... ಕಾರಣ ವಿಷ್ಟೇ... ನೀನೆಂದ ಹಾಗೆ ನಾನು ಚಂಚಲೆ..ಕೊನೆಯಿರದ ಕಾಯುವಿಕೆ ಹಾಗೂ ಪರಿತಪಿಸುವಿಕೆಯೇ ಬಹುಶಃ ಚಂಚಲತೆ!              ಹೊರಜಗತ್ತಿಗೆ ಹಾಗೂ ಅದರಲ್ಲಿ ಸಕ್ರಿಯ ಸ್ಪರ್ಧಿ ಎಂದು ಗುರುತಲಿಚ್ಚಿಸಲ್ಪಡುವ ನನಗೆ ದಿನ ದಿನವೂ ಅಚಲ ವೆಂದೆನಿಸಿಕೊಳ್ಳುವ ಹೆಬ್ಬಯಕೆ ಎಂಬ ಹೆಮ್ಮಾರಿ!ಆದರೆ ನನ್ನ ಸ್ಥಾನದಿಂದ ನನ್ನನ್ನೇ ಅವಲೋಕಿಸಿಕೊಂಡಾಗ ಆತನ ಇರುವಿಕೆಯೇ ಇಲ್ಲದ ಸೂತ್ರ ಹರಿದ ಗಾಳಿಪಟ!                ಈ ಚಂಚಲತೆಯು ವೇದನೆಯೋ ಅಥವಾ ಆಸೆಯ ಅಲಿಖಿತ ನಿಯಮವೋ ಇನ್ನು ಅಸ್ಪಷ್ಟ! ಆತನಿಂದ ಇದ್ದದ್ದು ಒಂದೇ ಒಂದು ಅಪೇಕ್ಷೆ.. ಆತನ ಕಣ್ಣಲ್ಲಿ ನಾನಾರೆಂಬುವ ತಿಳಿಯುವ ತವಕ! ಅದೂ ಒಂದು ಸಲ ಸತ್ಯ ಎಂದು ಒಪ್ಪಿಕೊಳ್ಳದಷ್ಟು ಅಸ್ಮಿತೆ!           ...